Өнгөрөгч сарын 31-нд алга болсон иргэнийг эрэн хайх ажиллагааг түр зогсоожээ

Нийслэлийн Налайх дүүргийн 6 дугаар хороо, “Тэнгэрийн энерги бясалгалын төв” орчмоос Хан-Уул дүүргийн харьяат иргэн О сураггүй болсон байна. Уг дуудлагыг долоодугаар сарын 31-ний өдрийн  22:35 өгсний дагуу эрэн хайх ажиллагаа эхэлжээ.

Тус дүүргийн Цагдаагийн байгууллагаас авсан мэдээллийн дагуу наймдугаар сарын 02-ны өдөр эрэн хайх ажиллагааг түр зогсоосон байна. Харин наймдугаар сарын 05-ны өдөр ар гэрийнх нь дахин хүсэлт гаргаснаар тус дүүргийн Онцгой байдлын хэлтсийн Гал түймэр унтраах, аврах 28 дугаар анги, Цагдаагийн хэлтсийн алба хаагчид, ар гэрийн 2 иргэн буюу нийт 28 хүн, “Тэнгэрийн энерги бясалгалын төв”-өөс “Арьяабалын сүм” хүртэл явганаар болон автомашинтайгаар 80 км-т эрэн хайх ажиллагааг үргэлжлүүлэн зохион байгуулж, мөн өдрийн 20:00 цагт түр зогсоогоод байна.

Эх сурвалж: ОБЕГ