ОХУ-ын Ерөнхийлөгч Путин ХОМ-ээ олон нийтэд танилцуулав

Кремлийн сайт дээр Ерөнхийлөгч Владимир Путины 2019 оны хөрөнгө, орлогын мэдүүлгийг нийлсэн байна. Тэнд өгүүлснээр ОХУ-ын Ерөнхийлөгч нь 2019 онд 9,7 сая рублийн орлого олсон байна. Путины 2018 оны ХОМ-д 8,6 сая рубль байсан юм. Путин 77 кв. м талбайтай нэг байр ба нэг гараж өмчилдөг, 153 м.кв талбайт бас нэг байр ба 18 м.кв талбайтай мөн нэг гаражийг ашигладаг юм байна. Дээр нь Путин ГАЗ-М21, "Нива" гэсэн хоёр машинтай, “Скиф” гэдэг чиргүүлтэй.

ОХУ-ын Ерөнхий сайд Михаил Мишустин нь 2019 онд, Засгийн газрыг тэргүүлэхээсээ өмнө 18,2 сая рублийн орлого олсон. Тэрээр 2010-2020 оны нэгдүгээр сар хүртэл Холбооны татварын албыг удирдаж байсан. Түүнээс өмнө бизнес эрхэлж байгаад төрийн албанд орсны дараанаас бизнесийн бүх активаа эхнэртээ шилжүүлэн өгсөн.

ОХУ-ын Аюулгүйн зөвлөлийн орлогч тэргүүлэгч, экс Ерөнхий сайд Дмитрий Медведев 2019 онд 11 сая рублийн орлого олсон.

ОХУ-ын Ерөнхийлөгчийн хэвлэлийн төлөөлөгч Дмитрий Песков нь 2019 онд 14,6 сая рублийн орлого олсон.

ОХУ-ын Парламентын дээд танхим болох Холбооны зөвлөлийн тэргүүн Валентина Матвиенко өнгөрсөн жил 16,7 сая рублийн орлоготой байсан бол Төрийн Думын дарга Вячеслав Володин 100,2 сая рублийн орлого олжээ.

ОХУ-ын Гадаад хэргийн сайд Сергей Лавров өнгөрсөн жил 8,5 сая рублийн орлого олсон бол Батлан хамгаалахын сайд Сергей Шойгу 12,6 сая рубль, Дотоод хэргийн сайд Владимир Колокольцев нь 12,8 сая рублийн орлого олжээ.

/ 1 доллар = 73,5 рубль, /1 рубль = 38.64 төгрөг/