Байденыг Ардчилсан намаас нэр дэвшүүлэхээр албан ёсоор сонголоо

АНУ-ын Ардчилсан нам ирэх арваннэгдүгээр сард болох Ерөнхийлөгчийн сонгуульд өрсөлдөх нэр дэвшигчээр Жозеф Байденыг сонголоо. Нэр дэвшигчийг тодруулах санал асуулга мягмар гарагт Висконсин мужийн Милуоки хотод болсон байна.

Цар тахлын улмаас санал хураалт виртуал хэлбэрээр явагдсан байна. Америкийн муж улсуудын төлөөлөгчид Байдены төлөө юу эсвэл Вермонт мужийн сенатч Берни Сандерсын төлөө юу гэдгээ ээлж дараалан мэдэгдэж саналаа өгсөн. Берни Сандерс нь Ардчилсан намын сунгаанд Байдены гол өрсөлдөгч гэгдэж байсан ч бүр дөрөвдүгээр сард, сунгаанаас албан ёсоор гараад байсан юм.

Энэхүү санал хураалтын үеэр Байден нь Умард Каролина мужийн төлөөлөгчдийг саналаа хэлсний дараагаар нэр дэвшигчээр тодроход шаардлагатай хамгийн цөөн буюу 2374 босго саналыг авсан байна. Байден нь нийтдээ 3550 санал авсан бол Сандерс 1150 санал авчээ.