СЕХ-ны даргаар П.Дэлгэрнаранг томилов

УИХ-ын чуулганы өчигдрийн хуралдаанаар Сонгуулийн ерөнхий хорооны дарга Ч.Содномцэрэн, ерөнхий нарийн бичгийн дарга Ц.Болдсайхан нарыг чөлөөлсөн билээ. Харин тэдний оронд СЕХ-ны даргаар П.Дэлгэрнаранг, Нарийн бичгийн даргаар Д.Даваа-Очирыг томилсон байна. 

П.Дэлгэрнаран нь 1964 онд Улаанбаатар хотод төрсөн бөгөөд улсад 32 жил ажиллаж байгаа аж. Үүнээс төрийн албанд долоо дахь жилдээ ажиллаж байгаа туршлагатай байна. 

Д.Даваа-Очир нь 57 настай. 1982-1987 онд ОХУ-ын Дотоод явдлын яамны академид эрх зүйч мэргэжлээр суралцаж төгсчээ. Тэрбээр 39 жил төрийн албанд ажилласан туршлагатай аж.