СЕХ: Сонгуулийн дүн мэдээг дэлгэцээр харуулах боломжгүй

Сонгуулийн Ерөнхий Хорооноос өнөөдөр сонгуулийн санал хураах ажлын бэлтгэл, явцын талаарх мэдээллийг олон нийтэд танилцууллаа.

 Энэ удаагийн орон нутгийн сонгуульд 8100 гаруй мандат дээр 17 мянга гаруй нэр дэвшигч өрсөлдөж байгаа учир сонгуулийн дүн мэдээг дэлгэцээр харуулах боломжгүй. Хуульд заасны дагуу сум, аймаг, дүүрэг, Нийслэл нь сонгуулийн санал хураалтын дүнг олон нийтэд мэдээллэх зохицуулалттай гэдгийг СЕХ-оос мэдээллээ. Иймд иргэдийн хувьд СЕХ-ны цахим хаягт хандан орж сонгуулийн дүн мэдээг тухай бүрт нь авч болно гэдгийг мөн хэллээ. Өнөөдрийн хувьд саналын битүүмжилсэн хайрцгаар санал хураах ажил өглөө 09:00 цагаас эхлэн авч эхэлсэн. Үүний дүн мэдээг мөн олон нийтэд танилцуулах юм. Энэ удаагийн орон нутгийн сонгуульд орон нутагт 1,136,702, нийслэлд 1,004,256 иргэн санал өгнө. Иргэний бүртгэлийн хувьд шилжилт хөдөлгөөнийг эх нотлох баримт дээр үндэслэж хийдэг. Жил бүрийн 7, 8 дугаар саруудад шилжилт хөдөлгөөн их байдаг ч энэ жилийн хувьд өмнөх жилүүдийн сонгуулийн жилийн дундаж түвшинд байгаа энэ жилийн хувьд сонгогчийн шилжилт хөдөлгөөн байхгүй, иргэдийн сонгогч хөдөлгөөн байгаа гэдгийг СЕХ-оос хэллээ. Нэг хаяг дээр олон иргэн бүртгэлтэй гэсэн асуудал яригддаг энэ нь халамжийн төв, үл хөдлөх худалдан борлуулах мөн газар зохион байгуулалт зэрэг хэд хэдэн шалтгаантай холбоотой байдаг. Баянзүрх, Сонгинохайрхан дүүрэгт амьдран сууж буй задгай айлуудыг 100 гэсэн тоотоор бүртгэсэн жишээг мөн хэлж болох юм гэж СЕХ-оос тайлбарлаж байна. Санал тоолох төхөөрөмжийн найдвартай байдалд эргэлзсэн асуудал дээр СЕХ туршилтын санал тоололтыг өчигдөр хийж олон нийтэд нээлттэй үзүүлсэн. Санал тоолох төхөөрөмжийг хакердах ямар ч боломжгүй. Учир нь анхны саналын хуудсыг уншаад цаасан хэлбэрээр хадгалж тэр дороо баримт болон үлддэг. Хакердсан ч саналын дүнд нөлөөлөх боломжгүй гэдгийг мөн хэллээ. Нэр дэвшигчдийг залилах, санал тоолох машинтай холбоотой хакердах асуудлаар 2 иргэнийг Тагнуул, Цагдаагийн байгууллага хамтран шалгаж байгаа гэдэг мэдээллийг өглөө.