Олон улсын стандартад нийцсэн, хүүхэд тээвэрлэх зориулалттай сургуулийн автобусыг Улаанбаатар хотын Хөгжлийн корпорацаас танилцууллаа. Уг автобус нь БНХАУ-д үйлдвэрлэгдсэн олон улсын евро-5 стандартад нийцсэн дизель хөдөлгүүртэй аж. Улаанбаатар хотын Хөгжлийн корпорацаас 200 автобусыг нийлүүлж байгаагаас эхний ээлжийн 5 автобусыг нийслэлийн захын хорооллын сургуулиудад явуулж эхлэхээр болжээ.
Улаанбаатар хотод улсын ерөнхий боловсролын 224 дунд сургууль бий. Эдгээр сургууль руу дунджаар 30 мянган сурагч нийтийн тээвэр болон автобусаар явдаг гэсэн судалгаа гарчээ. Үүнээс эхний ээлжид холоос явдаг 15 мянган сурагчийг дээрх 200 шинэ автобусаар тээвэрлэх боломжтой аж.
Сэтгэгдэл (0)
Сэтгэгдэл бичигдээгүй байна