2020/10/31
USD 2,811

Цагдаагийн байгууллагад орон нутгийн сонгуультай холбоотой 207 гомдол иржээ

О.Шүрэнцэцэг
2020/10/14

Цагдаагийн байгууллагад орон нутгийн сонгуультой  холбоотой анхны гомдол, мэдээлэл есдүгээр сарын 21-нд иржээ. Түүнээс хойш өнөөдрийг хүртэлх хугацаанд хүний улс төрийн эрх чөлөөний эсрэг гэмт хэргийн шинжтэй 207 гомдол ирж хуулийн байгууллагаас хэрэг үүсгэн шалгаж байна.  

Тухайлбал,

  • Хуурамч бичиг баримт үйлдэх хоёр гомдол, 
  • Нэр дэвшигчийн нэр төрд халдсан худал мэдээлэл тараасан 62 гомдол,
  • Хуульд зааснаас өөр арга хэлбэрээр сонгуулийн  сурталчилгаа явуулсан 81 гомдол,
  • Бараа эд зүйл хөнгөлөлттэй үнээр худалдсан, үнэ төлбөргүй үзвэр үйлчилгээ үзүүлсэн, нийтийг хамарсан урлагийн тоглолт зохион байгуулсан 23 гомдол,
  • Цахим орчинд улс төрийн чансаа тогтоох бүхий санал асуулга явуулсан зургаан гомдол,
  • Хуурамч цахим хаяг ашиглан сонгуулийн сурталчилгаа явуулсан нэг гомдол,
  • Сонгуулийн мөрийн хөтөлбөрт тусгагдаагүй арга хэмжээг хэрэгжүүлэх амлалт өгсөн долоон гомдол тус тус ирсэн.

Өнгөрсөн хугацаанд сонгуультай холбоотой найман гомдлыг шалгаж, харьяаллын дагуу тагнуулын байгууллагад шилжүүлжээ. Гэмт хэргийн шинжтэй арван гомдол, мэдээллийг үргэлжлүүлэн шалгаж байна. Зөрчлийн шинжтэй 191 гомдлоос тавд нь зөрчлийн хэрэг нээн, хэрэг бүртгэлтийн үйл ажиллагаа явуулж байна. Гурван гомдол, мэдээллийг Мэргэжлийн хяналтын байгууллагад шилжүүлсэн. 74 гомдолд зөрчлийн хэрэг нээхээс татгалзаж шийдвэрлэсэн  гэсэн мэдээллийг өглөө. 

Эх сурвалж:www.polit.mn 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна