Х.Баттулга: Ерөнхийлөгч нам бус учир сонгуулиар АН-тай хамтарч ажиллаагүй

 Аймаг, Нийслэл, Дүүргийн иргэдийн хурлын санал хураалт өдрийн 15 цагийн байдлаар 31.5 хувьтай байгаа талаар Сонгуулийн Ерөнхий хороо мэдээлэл хийв. Монгол Улсын Ерөнхийлөгч Х.Баттулга 48-р сургууль дээр байрлах санал хураах хэсгийн хороонд очиж саналаа өгч байна. 

Тэрбээр, "Үндсэн хуульд заасан эрх үүргийнхээ дагуу саналаа өглөө. Орон нутгийн сонгууль бол маш чухал. 15 цагийн байдлаар нийт сонгогчдын ирц 31.5 хувьтай байна. Бага байна. Залуучууд маань сонгуульдаа идэвхтэй оролцоорой. Иргэнийхээ эрх үүргийг биелүүлэх хэрэгтэй. Сонгуульд оролцоогүй байж, дараа нь хариуцлага нэхэх нь уялдаагүй байна. Өөрчлөлтийг сонгуулиар хийдэг нь ардчиллын зарчим. Тиймээс орон нутгийн сонгуульдаа идэвхтэй оролцохыг уриалж байна" гэлээ.