2020/10/20
USD 2,811

Г.Ариунбуян: Налайхын уурхайн нүхэн байсан цогцсыг гаргахад уурхайчид эрсдэлд орохоор байсан

О.Шүрэнцэцэг
2020/10/16

Налайх дүүргийн иргэдийн 30-40 орчим хувь нь нүүрсний уурхайгаас аж амьдралаа залгуулдаг. Тэдний  нэг болох ээжийнхээ Сэргэлэн , аавынхаа Баатар нэрээр овоглосон токерчин мэргэжилтэй, 21 настай Э.Сэргэлэнбаатарыг 2017 оны 5-р сарын 4-нд хоёр  хүн гэрээс нь  дуудаад аваад явжээ.   Тэр цаг мөчөөс тэрбээр гэртээ ирээгүй,  хоёр хоногийн өмнө  түүнтэй ар гэрийнхэн нь хүний ёсоор салах ёс гүйцэтгэв. 

Хэрэг явдал юу болсныг эргэн сануулая. 2017 оны тавдугаар  сарын дөрвөнөөс  хойш өмссөн хувцастайгаа алга болсон С-ийг ээж,  аав нь хүлээсээр цагдаад сарын дараа хандаж, улс даяар эрэн сурвалжилсан юм.  Цагдаагийн байгууллагаас иргэн С-ийг хайж, ээж аав хоёр нь инээгээд ороод ирнэ дээ гэж хүлээсээр гурван жил өнгөрчээ.  Гэтэл Налайх дүүрэг дэх  Цагдаагийн хэлтсээс С-ийг хөнөөсөн байж болзошгүй гэж үзэн хоёр  иргэнийг өнгөрсөн  5-р сард саатуулжээ.   Сэжигтнээр шалгагдаж буй хоёр иргэн талийгаачийг хөнөөгөөд, хэргээ нуухын тулд уурхайн нүхэнд булсан гэж мэдүүлснээр гурван жилийн турш  эрэн сурвалжлагдаж байгаа С нь амьд биш гэдгийг гэрийнхэн нь мэджээ. 

Хүүгээ амьд биш гэдгийг тэр бүү хэл гэрээсээ гурван  км хүрэхгүй газарт гурван жил хөрсөнд байсныг мэдсэн ээж аав нь хүүгийнхээ цогцсыг гаргаж авч хүн ёсоор оршуулахаар төрийн байгууллагуудын хаалгыг татжээ. 

Мөн цогцос байхгүй учраас сэжигтэн этгээдүүдийг суллах бичгийг цагдаагийн газарт удаа дараа шүүхийн шийдвэр гүйцэтгэх газраас хүргүүлсэн байна. "Онцгой байдлын ерөнхий газар"-т цогцсыг гаргаад өгөөчээ гээд талийгаачийн аав М.Энхбаатар өргөдөл гаргахад өргөдлийн хариуд хэтэрхий гүн байна, гурван жил болсон байна, аврах ангийн тоног төхөөрөмж байхгүй зэргээс шалтгаалж хүүгийнх нь цогцсыг гаргаж өгч чадахгүй гэжээ. 

Гадаад улс руу  явсан юм болов уу, энд тэнд чимээгүй амьдарч байгаа юм болов уу, миний хүү инээгээд л ороод ирнэ дээ, утсаар ярина даа гэж хаалга, утсаа нүдээ ширгэтэл ширтэж 1095 хоног хүлээсэн ээж аав нь хүүгээ бусдын гарт алдсан гэдгээ мэдсэн.  

 Бүр цаашлаад гэмт этгээдүүдийг ч таньдаг, хүүгийнхээ цогцос байгаа газрыг ч мэдсэн юм. Дэндүү ихийг мэдэж, дэндүү ихээр шаналсан ээж аав нь хүүгээ шороонд хэрэгтнүүдийг эрх чөлөөтэй байхыг харахыг тэсэлгүй дээшээ тэнгэр хол, доошоо газар хатуу болжээ. Тиймээс олон нийтийн чихэнд хүргэхээр манай сайтад хандаж мэдээлэл ил болсноор ээж аав нь хүүгийнхээ цогцсыг гаргуулжээ.

Налайх дүүргийн аврах ангиас талийгаачийн цогцсыг гаргасан мэтээр ярьж байна. Харин уурхайчид 13 хоногийн турш ухаж байгаад гаргасан. Цагдаагийн албан хаагчид бидэнд хүсэлт тавьснаар ээж,  аавыг нь өрөвдөөд өөрсдөө үхэж мэдэх ангалруу орсон тухай ярив.



Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.229.123.252 |   8 цагийн өмнө
Онцгой цагдаагийн хүмүүс гэхээрээ үхдэггүй үрэгддэг гүй хүмүүс байдаг юм уу. Муу юм болбол онцгой цагдаа муу байсан гээд. Аливаа юманд эцэг эх гэр бүлийн үүрэг хариуцлага бас байдаг юм шүү.
Хариулах
150.129.142.35 |   20 цагийн өмнө
Haana baigaan hiisen ni Eriin muu tsagdaa
Хариулах
122.201.31.162 |   Өчигдөр
Эцсийн эцэст Монгол цагдаа хийдэг юм шүү
Хариулах