Аймаг, нийслэл, сум, дүүргийн ИТХ-ын 2020 оны сонгуульд Сүхбаатар дүүргийн МАН-ын хороо ялагдал хүлээснээр сүүлийн гурванудаагийн орон нутгийн сонгуульд дараалсан ялагдал хүлээгээд байгаа юм. Энэхүү олон удаагийн ялагдлын үндэс нь Сүхбаатар дүүргийн МАН-ын хороо эв нэгдэлгүй, гишүүдээ бүлэг, фракцид хувааж, нэгдсэн зохион байгуулалтад орж чадалгүйгээр эдгээр сонгуулиудад оролцож байсан явдал гэж тус дүүргийн МАН-ын хорооны жирийн гишүүд, дэмжигчид үзэж байгаа билээ.
Энэ зохисгүй байдлыг шүүмжлэн өнгөрсөн УИХ-ын болон нийслэлийн ИТХ-ын сонгуулийн үеэр намын гишүүнээсээ түдгэлзэн өрсөлдөж байсан хуульч Д.Мөнх-Эрдэнэ өнөөдөр өөрийн намынхороо, үүр дээрМАН-ын гишүүнчлэлээ сэргээж, дүүргийн намын хорооныхоо шинэчлэлийн ажилд журмын нөхдийн хамт ханцуй шамлан орох болсноо мэдэгдлээ. Тэрээр өмнө нь МАН-ын Бага хурлын болон Нийслэлийн МАН-ын хорооны гишүүн байсан юм.
МАН-ын үүсгэн байгуулагчдын нэг Жанжин Д.Сүхбаатараар овголсон дүүргийн МАН-ын хороо цаашид нэгдсэн зохион байгуулалтад орж, анхан шатны байгууллага, гишүүдийнхээ санал бодлыг хүндэтгэн, идэвхи, оролцоог нь нэмэгдүүлэх зайлшгүй шаардлагатайбөгөөджирийн дэмжигч гишүүдийнхээ дэмжлэгийг авсан чадварлаг баг хамт олон дүүргийн намын хорооныөөрчлөлт, шинэчлэлийг хугацаа алдалгүй эхлүүлэх цаг болсныг тэрээр онцолж байгаа юм.
Харин Сүхбаатар дүүргийн МАН-ын 13 дугаар хорооны гишүүд дэмжигчид Д.Мөнх-Эрдэнийг намын гишүүнчлэлээ сэргээж байгаад нь баяртай байгаа бөгөөд дүүргийн намын хорооны шинэчлэлийг зоригтой эхлүүлж, нийслэлийн хоймор болсон дүүргийн хөгжил цэцэглэлтэд бодитой хувь нэмэр оруулна гэдэгт нь итгэлтэй байгаагаа илэрхийлж байсан юм.