2021/01/19
USD 2,811

COVID-19 дэлхийн олон газар нэгэн зэрэг дэгдэж үүссэн гэв

О.Шүрэнцэцэг
2021/01/04

АНУ нь дэлхийг хамраад байгаа COVID-19 өвчний цар тахлыг БНХАУ-аас гаралтай, хятад судлаачдын бүтээсэн зохиомол вирус байж болзошгүй тухай янз бүрийн түвшинд мэдэгдэж, манай урд хөршийг шийтгэх, торгохыг уриалах нь тасрахгүй байгаа. 

 Иймд БНХАУ-ын Гадаад хэргийн сайд Ван И нь “Синьхуа” агентлагт ярилцлага өгөхдөө аюулт өвчний гарал үүслийн талаарх байр сууриа илэрхийлсэн байна. Тэрээр хэлэхдээ “Тахал нь дэлхийн олон газарт нэгэн зэрэг өвчин дэгдсэнээр эхэлсэн байж магадгүйг маш олон судалгаа харуулж байна” гэжээ. Улмаар шинэ коронавирусээр үүсгэгддэг аюулт өвчний талаарх хамгийн анх дэлхийн нийтэд мэдэгдэж, анхааруулсан улс нь Хятад гэдгийг онцолсон байна. Мөн БНХАУ нь цар тахалтай холбоотой ёс суртахууны бүх хариуцлагыг үүрч байгаа тул бүх нийтэд хүртээмжтэй вакцин боловсруулна, шинэ эм бүтээхийг дэмжиж тусална гэсэн байна.