Өчигдөр нийт 14225 хүнд шинжилгээ хийхэд 33 тохиолдол нэмж бүртгэгдлээ. Үүнээс хоёр нь Цэргийн төв эмнэлгийн эмч, сувилагч байна. Бусад нь өмнө нь гарч байсан голомтуудын гэр бүлийн хавьтлууд байна. "Манххада" ХХК, Баянзүрх дүүргийн нэгдсэн эмнэлэг, ХӨСҮТ, "Ачтан" эмнэлгийн гэх батлагдсан тохиолдлуудын ойрын хавьтал болох гэр бүлийн хүмүүсээс илэрсэн.
Баянгол дүүргийн 6-р хорооны нэг орцны 6 хүнд коронавирус илэрлээ. Тус орцонд "Ачтан" эмнэлгийн эмч амьдардаг. Орцоор дамжсан халдварын бас нэг тохиолдол нь "Мөнгөнгүүр" эмнэлгийн сувилагч байсан тул тус эмнэлгээс 171 хүнийг шинжилгээнд хамруулсан. 32 хүнийг ойрын хавьтал гэж тусгаарласан бөгөөд нэг хүнээс коронавирус илэрлээ. Орцны халдварын бас нэг тохиолдол нь Иргэний нисэхийн ерөнхий газрын ажилтан байсан тул тус газрын ажилтнуудыг шинжилгээнд хамруулж байна.
“Мөнгөн Гүүр” эмнэлгээр 12-р сарын 25-наас хойш үйлчлүүлсэн, тус эмнэлгээр орсон, эмч мэргэжилтэнтэй нь уулзсан иргэн байвал шинжилгээ өгөхийг иргэддээ анхаарууллаа.
°C