“Twitter”, “Facebook” зэрэг нийгмийн сүлжээнүүд АНУ-ын Ерөнхийлөгч Трампын бүртгэлийг үүрд хааж, “Apple”ба “Google” нь Трампыг дэмжигчид хэт олон байдаг гэмтэй “Parler” нийгмийн сүлжээг хөөсөн явдал янз бүрийн үр дагавар дагуулав. Интернэтийн том компанийн удирдлага нь улс төрийн аль нэг хүчнийг дэмжигчдийг хүчирхийлэл, үймээн самуунд уруу татсан гэдэг үндэслэлээр дур мэдэн хааж, хуулийн үндэслэл, шүүхийн шийдвэргүйгээр байр сууриа болон үзэл бодлоо илэрхийлэх боломжгүй болгож байгаа нь үг хэлэх эрх чөлөөг шамшигдуулсан, цензур орж ирсэн хэрэг гэж шүүмжлэх хүн олон гарч иржээ. Өөрөөр хэлбэл ардчиллын тулгуур зүйлийг үгүйсгэж, баллаж байна гэж үзэх хүн цөөнгүй гарсан.
Улмаар “Twitter”, “Facebook” шиг хэрэглэгчдийн бичвэртцензур хийдэггүй, Трампыг магтлаа гэж “банддаггүй”, хувийг нууцыг нь Засгийн газраас найдвартай хамгаалдаг гэсэн үндэслэлээр америкчууд “Telegram” месенжерийгтатаж суулгах нь огцом нэмэгдсэн байна. Тодруулбал нэгдүгээр сарын 6-аас 10-ны хооронд “Telegram”месенжерийг Америкийн 545 мянган хэрэглэгч татаж суулгасан нь өмнөх долоо хоногийнхоос даруй гурав дахин илүү үзүүлэлт болохыг “Sensor Tower” онцлов.
Улмаар “Twitter”, “Facebook” компаниудын хувьцааны бирж дээр огцом унаснаар энэ хоёр компани хэдхэн хоногийн дотор 44 тэрбум доллароор хямдарчээ.“Facebook”-ийн хувьцаа 5,3 хувь хямдрахад л 41 тэрбум доллар алдсан бол “Twitter”-ийн хувьцаа 7 хувиар хямдарч 3 тэрбум доллар алджээ.
Сэтгэгдэл (0)
Сэтгэгдэл бичигдээгүй байна