2021/03/04
USD 2,811

Норвегид “Pfizer” вакцин хийлгэсэн 23 хүн нас баржээ

О.Шүрэнцэцэг
2021/01/15

Норвегид Америкийн “Pfizer” компани, Германы “BioNTech”-ийн хамтран бүтээсэн вакцин хийлгэсний дараа 23 хүн нас барсан тухай Норвегийн эмийн бэлдмэлийн агентлаг мэдээлсэн байна. Нас барсан хүмүүст бүгд 80 –аас дээш настай дархлаа нь суларсан хүмүүс байсан гэдгийг тус агентлаг онцолжээ. Агентлагийн төлөөлөгч Стейнар Мадсен “Эдгээр тохиолдол онцгой түгшүүр төрүүлэхгүй байгаа юм. Суларсан эрүүл мэндтэй ахмад настай өвчтөнүүдийг эс тооцвол вакцинд эрсдлийн хүчин зүйлс тун бага гэдэг нь илэрхий байгаа” гэжээ. Цаашид ийм таагүй тохиолдол давтагдахаас сэргийлэх үүднээс Үндэсний эрүүл мэндийн судалгааны төв нь архаг хуучтай өндөр настнуудад вакцин хийх зөвлөмжид өөрчлөлт оруулсан байна. 

 Норвегийн вант улсад корона вирусийн эсрэг вакцинжуулалт өнгөрсөн оны арванхоёрдугаар сарын 27-оос эхэлсэн бөгөөд одоогийн байдлаар 25 мянган хүнд хийгээд байгаа аж.