ШӨХТГ: НӨАТ-ын IT ажилтан гэр бүлээрээ 36 удаа азтан болсон эсэхийг шалгаж байна

НӨАТ-ын азтан шалгаруулах сугалаа шударга явагдаж байна уу, үнэхээр IT ажилтан 36 удаа азтан болсон уу, эсвэл түүний  хамаарал бүхий хүн байнга азтан болж байна уу гэх мэт иргэдээс ирүүлж буй гомдолд тулгуурлаж хяналт, шалгалт явагдаж байна.

Өчигдөр  супер азтан шалгаруулдаг бөмбөлөгт асуудал байгаа эсэхийг тодруулж, бүгд нэг жинтэй байна уу, үүнийг хэрхэн хянадаг вэ гэдгийг шалгасан. Тус бөмбөлгүүд "Боловсрол суваг" телевизийн студид лацтай хадгалагддаг бөгөөд эхний хяналт, шалгалтаар бөмбөлгийн жинд өөрчлөлт ороогүй байна.  Харин өнөөдөр  супер азтан болсон хүмүүс,  НӨАТ-ын IT инженер үнэхээр 36 удаа азтан болж, хоёр удаа 20 сая төгрөг авсан уу, ингэхдээ мэдээлэл технологийг ашигласан уу гэдгийг шалгаж байна.