Израйлд корона вирусийн эсрэг “Pfizer” вакцин тариулсны дараагаар нүүрний мэдрэлийн саа буюу хар яриагаар нүүр нь таллаж татсан тохиолдол 13 бүртгэгдсэн тухай тус улсын ЭМЯ мэдээлснийг “The Jerusalem Post” сонин уламжилсан байна. Таагүй гаж нөлөөний тоо харьцангуй цөөн мэт санагдаж болох ч бодит байдал дээр нүүрний мэдрэлийн сааны тохиолдол хамаагүй олон гэдгийг тарилгыг явуулж байгаа эмч нар хэлсэн гэж байна. Вакцин хийлгээд нүүр нь таллаж татсан нэг израйл эр “The Jerusalem Post” сонинд ярихдаа “Миний нүүр татаад 28 цаг орчим болсон. Одоо ч бүрэн арилсан гэж хэлж чадахгүй. Гэхдээ ингэж татсанаас гадна тариулсан газар бага зэрэг хөндүүрлэхээс өөр ямар таагүй зүйл ажиглагдаагүй” гэжээ. Улмаар гаж нөлөөнөөс болоод вакциныг хоёр дах удаагаа тариулахаас татгалзаж магадгүй болсон гэнэ.
Шиба дах эмнэлгийн халдвар судлалын тасгийн эрхлэгч, профессор Галья Рахав нь нүүр нь таллаж татсан өөр нэг өвчтөнд хоёр удаагийн тарилгыг хийхээс татгалзсан гэж байна. Яг юуны учраас нүүрний мэдрэл саажиж байгааг эмч тодорхой хэлж мэдэхгүй гэжээ. Улмаар Израйлын ЭМЯ-аас нүүрний саажилтын бүх шинж тэмдэг нь арилсан хүмүүст л вакцины хоёр дах тарилгыг хийж болно гэж мэдэгдсэн байна.
Израйл өнгөрсөн оны арванхоёрдугаар сарын 19-өөс бүх нийтийн вакцинжуулалтыг эхлүүлээд байгаа юм.