2021/02/27
USD 2,811

Вакцин хийлгэсний дараа нас барсан хүний тоог ил болгожээ

О.Шүрэнцэцэг
2021/01/19

АНУ-ын холбооны өгөгдлийн сан “Vaccine Adverse Event Reporting System” (VAERS)-аас корона вирусийн эсрэг вакцинжуулалтын улмаас нас барсан тохиолдлын тоог олон нийтэд мэдэгдсэн байна. “The Epoch Time” сонины уламжилснаар “Moderna” ба “Pfizer/BioNTech” вакцин хийлгэсний дараа нас барсан тохиолдол 55 бүртгэгджээ. 

 Эдгээрээс зарим нь вакцин хийлгэснээс нэлээд хэд хоногийн дараа нас барж байжээ. Тухайлбал, Колорадомужид асрамжийн газар амьдардаг 66 настай эрэгтэй вакцин хийлгэсний дараагаар нойрмог болж, бүтэн өдрийн турш орноосоо босоогүй байна. Маргааш өдөр нь амнаас нь хөөс сахарсан, нүдээ хагас аньсан байдалтай хэвтэж байхыг асрагчид олсон. Яаралтай үзлэг хийхэд амьсгалахгүй, судасны цохилт нь мэдрэгдэхгүй болсон байжээ. 

 Өөр бусад  тохиолдолд вакцин хийлгэснээс хэдхэн цагийн дараа нас барж байсан аж. Өмнөд Дакота мужид нэгдүгээр сарын 4-нд “Pfizer/BioNTech” вакцин хийлгэсэн 93 настай эрэгтэй хүн хоёр цагийн дараа бие нь муудсан. Их ядарч, физик эмчилгээнд орж чадахгүй болсны дараа удалгүй амьсгал нь зогссон. 

 Түүнчлэн 24 тохиолдолд хүмүүс ажиллах чадвараа алдаж байж. Мөн корона вирусийн эсрэг вакцин хийлгэсний дараа эмнэлэгт хэвтэж эмчлүүлэх шаардлага гарсан тохиолдол 225 байсан. Үүнээс гадна 1,3 мянган хүн яаралтай тусламжийн төвүүдэд бие даан хандаж, анхан шатны тусламж авч байсан байна.