2021/02/27
USD 2,811

Калифорни мужид “Moderna” вакцины нэг багцаас татгалзахыг уриалжээ

О.Шүрэнцэцэг
2021/01/19

АНУ-ын Калифорни мужийн тархвар судлаач Эрика Пан нь “Moderna” компаниас нийлүүлсэн нэгэн багц вакциныг хэрэглэх явцад хэт олон харшлын урвал үүсэж байгаа тул тарилгад ашиглахгүй байхыг уриалжээ. Калифорни мужид нийлүүлэгдсэн “Moderna” компанийн энэ багцыг нэгдүгээр сарын 5-аас 12-ны хооронд нийлүүлсэн юм байна. Улмаар энэ багцын 330 мянган тунг тус мужийн 287 нийлүүлэгчдийн дунд тараан хуваарилсан байжээ. Энэ багцын вакциныг Калифорнийн нэгэн эмнэлэгт тарьсны дараах 24 цагийн дотор 10-аад хүнд эмнэлгийн яаралтай тусламж үзүүлэх шаардлага гарсан байна. Иймд Америкийн Өвчин эмгэгийг хяналт ба урьдчилан сэргийлэх төв, Хүнсний бүтээгдэхүүн ба эмийн бэлдмэлийн хяналтын газраас судалгаа хийх хугацаанд тус багцын вакциныг иргэдэд тарихгүй, өөр багцаас тарьж байхыг уриалсан байна. Калифорнид 2,9 сая хүн корона вирусийн халдвар авч, 33,3 мянган хүн энэ өвчний улмаас нас баржээ.