2021/02/26
USD 2,811

Н.Номтойбаяр нарын шүүх хурал болно

О.Шүрэнцэцэг
2021/01/22

УИХ, Засгийн газрын гишүүн асан Н.Номтойбаяр нарт холбогдох эрүүгийн хэргийн хяналтын шатны шүүх хуралдаан Улсын Дээд шүүхийн Эрүүгийн хэргийн танхимд өнөөдөр болно.  

 Түүнийг Чингэлтэй дүүргийн эрүүгийн хэргийн анхан шатны шүүх албан тушаалаа урвуулан ашиглаж, улсад их хэмжээний хохирол учруулсан гэж үзэн нийтийн албанд томилогдох эрхийг таван жилийн хугацаатай хасаж таван жил таван сар хорих ял оноосон юм. Харин хэрэгт холбогдогч Б.Шижиржаргалд дөрөв, Б.Нямдаваад гурван жил хорих ял оноосон бол М.Нямдэмбэрэл, Д.Батмөнх, Н.Ууганбаяр нарыг 15 сая, Н.Баттөгсийг 10 сая төгрөгөөр торгох ял шийтгэсэн билээ. 

Нийслэлийн Эрүүгийн хэргийн давж заалдах шатны шүүхээс Н.Номтойбаярт оногдуулсан анхан шатны шүүхийн шийдвэрийг хэвээр үлдээж, М.Нямдэмбэрэл, Д.Батмөнх, Н.Ууганбаяр нарт оногдуулсан 15 сая төгрөгөөр торгон ялыг 10 сая төгрөг болгон багасгажээ. 


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.164.235 |   2021/01/22
Нийтлэгч маань өнөөдөр гэж бичих юм... Өнөөдөр буюу огноо дугаар бичиж болдоггүй юм уу...
Хариулах