Д.Тогтохсүрэн: Өмнөх сайд нараас улирч ажиллах байх

УИХ дахь МАН-ын бүлгийн дарга Д.Тогтохсүрэн: 

-МАН-ын Удирдах зөвлөлөөр Ерөнхий сайдад ЗГХЭГ-ын дарга Л.Оюун-Эрдэнийг 100 хувь дэмжлээ. Өөр нэр дэвшигч гараагүй. Засгийн газарт хоёр чиглэл байгаа. Нэг нь УИХ-ын гишүүн давхар дээлтэй байх, нөгөө нь мэргэжлийн хүмүүс салбарын сайд болохоор байгаа. Миний хувийн бодол бол нэг их Засгийн газрын бүтэц бүрэлдэхүүнд төдийлөн өөрчлөлт орохгүй болов уу гэж бодож байна. Яг хуучин хүмүүс байна гэж хэлэхэд мэдэхгүй ч шинэ ерөнхий сайд гарч ирээд шийдэх байх. Нэгэнт МАН сонгуулиар мөрийн хөтөлбөрөө гаргаад сайд нар томилогдоод дөнгөж 7 сар болж байхад сольж бужигнаад, бүтцийн өөрчлөлт хийгээд хэрэггүй болов уу гэж бодож байна.