МУ-ын Ерөнхийлөгч Х.Баттулгын хийж, хэрэгжүүлж байгаа томоохон ажлын нэг бол "Шинэ төмөр зам" төсөл. Төрөөс төмөр замын тээврийн талаар баримтлах бодлогын хүрээнд 3 үе шаттайгаар нийт 6600 гаруй км төмөр замыг барихаар заасны эхний үе шатанд баригдах 1100 орчим км төмөр замын хэсэгт Тавантолгойгоос Зүүнбаян чиглэлийн төмөр замын суурь бүтцийг барьж байгуулах ажил юм. Тус чиглэлийн төмөр замын бүтээн байгуулалтын санхүүжилтийг дотоодоос шийдэн эхний ээлжийн санхүүжилтийг “Монголын төмөр зам” ТӨХК хүүгүй 20 жилийн хугацаатай 750 орчим тэрбум төгрөгийн үнэ бүхий үнэт цаас гаргаж, уг үнэт цаасыг нүүрс тээвэрлэлтийн төлбөрөөс суутгаж, эргэн төлөгдөх нөхцөлтэйгээр “Эрдэнэс-Тавантолгой” ХК худалдан авах замаар санхүүжүүлж байгаа. 2019 оноос эрчимтэй хэрэгжиж байгаа уг төслийн үйл ажиллагаанд ЗГ-аас шалгалт оруулан ажиллаж байгаа мэдээллийг бид хүргэж байна. Шалгалтын дүнгийн талаар бид эргэн мэдээлэх болно.
Сэтгэгдэл (0)
Сэтгэгдэл бичигдээгүй байна