ОХУ-д улс даяар болсон эсэргүүцлийн жагсаалд оролцсон 3324 орчим хүнийг баривчилжээ

Улс төрч Алексей Навальныйг дэмжиж байгаа иргэдын жагсаалын  үеэр ОХУ-д 3324 хүн саатуулагдсан гэж Москвагийн цагаар 05:00 цагийн байдлаар OVD-Info мэдээлэв.  Энэ нь жагсаалын үер баривчлагдсан хамгийн олон хүн болж байна. Тодруулбал Москва - 1320, Санкт-Петербург - 490, Новосибирск - 96, Воронеж - 93, Нижний Новгород - 90  хүнийг  саатуулаад байна.

Урьдчилсан мэдээллээр ОХУ-д 300 орчим насанд хүрээгүй хүүхдийг баривчилсны 70 орчим нь Москвад, 30 орчим нь Санкт-Петербург хотод болсон гэж Анна Кузнецова мэдэгдэв.    Дотоод хэргийн яам баривчилгааны талаар албан ёсны мэдээлэл хараахан өгөөгүй байна.  1-р сарын 17-нд Алексей Навальный Германаас буцаж ирэх үед нь  Шереметьево нисэх онгоцны буудлаас саатуулсан билээ.