Германд өндөр настан ба тахир дутуу иргэдийг асрах үйл ажиллагаа явуулдаг компанийн удирдлагууд коронавирусийн эсрэг вакцин хийхээс татгалзсан долоон ажилтнаа ажлаас халсан тухай “Bild” сонинд бичсэн байна. Германы хуулийн дагуу вакцинжуулалт нь гагцхүү сайн дурын үндсэн дээр хийгддэг юм байна. Вакцин хийлгэхээс татгалзсан ажилтнуудаа ажлаас нь халж байгаа анхны тохиолдол нь энэ болжээ. Компанийн удирдлагаас бүх ажилтан нь вакцин заавал хийлгэх ёстой гэсэн шаардлага тавьсан ч гурван ажилтан эрс татгалзаж, дөрвөн ажилтан тодорхой шийдвэр гаргаж чадахгүй болжээ. Иймд тэдэнд хоёр хоногийн хугацаа өгсөн ч байдал өөрчлөгдөөгүй тул ийнхүү халсан юм байна. Вакцинжуулалтыг зармын хувьд эсэргүүцдэг хөдөлгөөнийхөн түүний амь насанд заналхийлж эхэлсэн ч компанийн эзэн нь “Би эмчлүүлэгч нараа хамгаалахын тулд ийм алхам хийсэн. Энэ бол миний ёс суртахууны үүрэг” гэж мэдэгдсэн байна.