МАН: Ерөнхийлөгчийн хоригийг хүлээн авах боломжгүй

УИХ дахь МАН-ын бүлгийн ээлжит хуралдаан болж, хуралдаанаар Ерөнхий сайдад нэр дэвшигчийг дэмжих тухай, Ерөнхийлөгчийн гурван хуульд тавьсан хоригийг хүлээж, авах эсэхийг хэлэлцсэн байна.

УИХ дахь МАН-ын бүлгийн дарга Д.Тогтохсүрэн: Авилгын эсрэг хуульд Монгол Улсын Ерөнхийлөгч хориг тавьсан. Энэ хуульд хоёр өөрчлөлт оруулсан. Нэгд, АТГ-ын даргыг Ерөнхийлөгчийн санал болгосноор УИХ зургаан жилийн хугацаагаар томилдог байсныг Ерөнхий сайдын санал болгосноор томилохоор болсон. Энэ заалтад Ерөнхийлөгч хориг тавьсан. Хоёрт, АТГ-ын даргыг өмнө нь Ерөнхийлөгч санал болгодог байсан. Одоо АТГ-ын дарга өөрөө дэд даргаа санал болгож, УИХ-аар томилуулдаг эрх зүйн өөрчлөлт оруулсан. Ерөнхийлөгчийн тавьсан хоригийг МАН-ын бүлэг хүлээн авах боломжгүй гэж үзсэн.