Сайн мэдээ: Шатаж байсан 5 ханатай гэрээс таван хүүхдийн амийг аварчээ

Өчигдөр СХД-т таван ханатай гэр  шатаж дотор нь байсан бага насны нийт таван хүүхдийн амийг Онцгой байдлын албан хаагчид аварчээ.

Тодруулбал, Нийслэлийн Сонгинохайрхан дүүргийн 8 дугаар хороо, Зүүнбаян цагааны 3 дугаар гудамжинд гэр шатаж байна гэсэн дуудлагыг Онцгой байдлын газар өчигдөр /01.27/ өдрийн 19:14 цагт хүлээн авсан.

Тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчид 3 км замыг туулан 19:20 цагт очиж, иргэн М-ийн 5 ханатай гэр шатаж байсныг 35 минут ажиллаж унтраасан.

Уг гал түймрээс 13 настай хүү, 9 настай охин, 5 настай охин, 2 настай охин, 7 сартай охин гээд нийт таван хүүхдийн амь насыг авран хамгааллаа.