Вакцинууд нөлөөлөхгүй болж хувирч өөрчлөгдсөн корона вирусийн хувилбарыг Италийн Бреши нутгаас илрүүлсэн тухай Италийн вирус судлаачдын нийгэмлэгийн Ерөнхийлөгч Арнальдо Карузо мэдэгдсэн байна. Италид одоо Британиас илэрсэн вирусийн илүү халдвартай хувилбар нийт халдварын 54-64 хувьд нь бүртгэгдээд байгаа аж. Гэтэл Британи хувилбар нь хоёрдугаар сарын эхээр нийт халдварын ердөө 20 хувьд бүртгэгдэж байсан байна. Ийнхүү илүү халдвартай хувилбар газар авахтай зэрэгцээд, Нигерийн илүү аюултай хувилбар орж ирсэнтэй холбогдуулаад Италийн судлаачид цар тахлын гурав дах давлагаа эхэлсэн талаар сэрэмжлүүлж эхэлсэн байна. Улмаар халдвар ихээр нэмэгдсэн бүс нутагт сургууль цэцэрлэгийг хаах шийдвэр гаргажээ. Уг нь Италид өмнө нь орон нутгийн хөл хорионы үеэр ч сургуулийн баг ангиуд, цэцэрлэгүүд ажилласан хэвээр байсан юм.
Италид шинэ корона вирусийн халдвар авсан нийт тохиолдол 3 сая руу дөхөж, халдварын улмаас амиа алдсан хүний тоо 98 мянга гаруй болжээ.
25°C