ЗАСАГ ДАРГА-100 ХОНОГТ

Архангай аймгийн Засаг дарга Д.Золжаргал: - Архангай аймгийн Засаг дарга хэмээх хариуцлагатай албыг 2020 оны 11 дүгээр сарын 19-нд хүлээн авч, томилогдон ажилласнаас хойш 100 хоног өнгөрлөө.  

Дэлхий нийтийг хамарсан аюулт цар тахал манай аймагт бүртгэгдэж, ард иргэдээ хамгаалах, аймаг орон нутагтаа халдварыг илүү тархаахгүй, бүрэн зогсоох зэрэг хүндхэн цаг үеийн ард бид гарлаа. Түүнчлэн манай аймгийн зарим сумдад өвөлжилтийн нөхцөл байдал хүндэрч, өвөлжилтийн бэлтгэл ажлыг хангах, өвс тэжээлийн нөөц бүрдүүлж,  малчдадаа дэмжлэг тусламж хүргүүлэх, төрийн ажлыг эрчимжүүлэх гээд олон асуудлыг цаг алдалгүй шийдвэрлэх шаардлага тулгарч, хичээнгүйлэн ажиллалаа. Төрийн албаны туршлагатай хамт олон, мэргэжлийн анги, байгууллагуудын хичээл зүтгэл, иргэн бүрийн хариуцлага, дэмжлэгийн үр дүнд миний бие зорьсон, төлөвлөсөн ажлаа амжилттай хэрэгжүүлж байна. Хийсэн ажлаа тайлагнаж, ил тод байдлыг хангах нь бидний үүрэг учраас өнгөрөгч зуу хоногийн хугацаанд хийж хэрэгжүүлсэн ажлаа товчлон мэдээлж байгаадаа таатай байна.  Арын хангайн зон олон та бүхэндээ эрүүл энх, саруул сайхныг хүсэн ерөөе.