Эх уурхай нь тодорхойгүй ХОЁР тохиолдол бүртгэгдлээ

ЭМЯ-наас мэдээлэл хийлээ. Өнгөрсөн 24 цагийн хугацаанд хийсэн PCR шинжилгээгээр  36 хүнээс коронавирус илэрчээ. 

Улсын хэмжээнд ХӨСҮТ, ЗӨСҮТ, НЭМҮТ, НЭМГ, УНТЭ, Сэлэнгэ, Дархан, Сэлэнгэ аймагт ажиллаж буй салбар лабораториудад нийт  6 465 хүнд шинжилгээ хийжээ.

Сүүлийн 24 цагт зөөвөрлөгдсөн тохиолдол бүртгэгдээгүй аж. Шинээр илэрсэн халдваруудын 33 нь Улаанбаатарт, 3 нь Төв аймагт бүртгэгджээ. Нийт 36 тохиолдлын 34 нь өмнөх батлагдсан тохиолдлын ойрын хавьтал болсон хүмүүс байгаа бөгөөд 26 хүний эхний, 8 хүний хоёр дахь шинжилгээгээр халдвар илэрчээ. Хоёр хүний халдвар авсан эх үүсвэрийг тодорхойлох ажил үргэлжилж байгаа аж.