Хятад нь Оросоос импортлон авдаг нүүрсээ дулаан цахилгаан станц, шилний үйлдвэр, орон сууцны халаалт гээд маш олон салбарт ашигладаг тухай ТАСС мэдээлсэн байна. Оросын “Русский уголь” компанитай хамтран ажилладаг “Hong Kong Global Energy Group Limited” компанийн Ерөнхийлөгч Зинь Дянчэнь Оросоос нүүрс импортлох талаар “ТАСС” агентлагт ярихдаа “Юуны өмнө Орос Хятад хоёр хил залгадаг тул Оросоос нүүрс ипмортлон авахад логистикийн хувьд Хятадад амар байдаг. Хоёрдугаарт, Оросын нүүрс нь илчлэг ба хүхрийн агуулга гэсэн үзүүлэлтээрээ Австрали, Америкийн нүүрснээс илүү сайн чанартай. Гурадугаарт, Орос эрчим хүчний болон коксждог нүүрсний олон нэр төрөл бүгд байна. Үүний дээр Австрали, АНУ-аас Хятадын Зүүн хойд нутаг руу зөөвөрлөх нь их хол бас үнэтэй бол Индонезийн нүүрс нь илчлэг багатай. Иймээс Оросоос нүүрс импортлох нь Хятадад ашигтай, Хятадад Оросын нүүрс ямагт эрэлттэй байх болно” гэжээ.
“Hong Kong Global Energy” компани нь жил болгон 100 мянга гаруй тонн нүүрсийг “Русский уголь” компаниас худалдан авдаг юм байна. Хятадын авдаг нүүрс нь гол төлөв Красноярскийн хязгаар, Хакасийн орд газруудын байгаа. Одоо Амар мөрний сав газар байрладаг Ерковецк, ба Зүүн Хойд уурхайгаас хүрэн нүүрс импортлохоор ярилцаж байна. Удахгүй Нижнеленинское — Тунцзян чиглэлд төмөр замын гүүр барьснаар Амар мөрний хөндийгөө Хятад руу нүүрс экспортлох явц илүү хялбар болох юм байна. Амарын хязгаарт жил бүр 3,5 сая тонн хүрэн нүүрс олборлодог аж.
Сэтгэгдэл (0)
Сэтгэгдэл бичигдээгүй байна