Засгийн газрын хуралдаан "Т.Чимгээг эрүүдэн шүүсэн эсэхтэй холбоотой бичлэг, нотлох баримтыг нууцаас гаргах тухай" асуудлыг хэлэлцсэн ба хуралдааны шийдвэрийн талаар Хууль зүйн сайд Х.Нямбаатар ХЗДХЯ-ны байранд мэдээлэл хийж байна.
Тэрбээр “Эрүүдэн шүүсэн хэрэгтэй холбоотой Б.Хурц нарын есөн хүнд холбогдох хэрэгт мөрдөн шалгах үйл ажиллагаа явуулж Төв аймгийн шүүхэд шилжүүлсэн. Монгол Улсын анхан шатны болон давж заалдах шүүхээр зургаан удаа орсон ч өдийг хүртэл шийдэгдээгүй байна. Өнөөдөр олны өмнө эрүүдэн шүүлт үйлдсэн нь тодорхой байхад Б.Хурц нарын хүмүүст "дийлдэж" хэрэг шийдэгдэхгүй өнөөдрийг хүрлээ. Дараах дөрвөн үндэслэлээр шүүхийн шийдвэрийг хүчингүйд тооцож дахин хэрэг хянан шийдвэрлэх ажиллагаа явуулна. Үүний хоёрдугаарт, шүүгч, прокурор, мөрдөгч эрх бүхий албан тушаалтан эрх мэдлээ урвуулан ашигласан нь хуулийн хүчин төгөлдөр болсон шүүхийн шийдвэрээр тогтоогдсон бол гэж заасан. Энд хүний эрх зөрчигдсөн, хилс хэргээр шүүгдэж 20 жилийн ял авсан нь эрүүдэн шүүлтээр тогтоогдсон. Цаашид эрүүдэн шүүлтийг дахин гаргахгүй байх холбогдох хууль тогтоомжийг өөрчлөх шаардлагатай байна” гэлээ.
Сэтгэгдэл (0)
Сэтгэгдэл бичигдээгүй байна