Армен улсын зэвсэгт хүчин Оросоос “Су-30СМ” гэдэг орчин үеийн сөнөөгч, бөмбөгдөгч онгоц авахдаа дагалдах сум, пуужинг нь аваагүй байжээ. Армений Ерөнхий сайд Никол Пашинян олон нийттэй уулзах үеэр “Бидний яах гэж онгоц худалдаж авсан юм бэ гэж асууж байна. Тийм ээ, бид эдгээр онгоцнуудыг авсан ч дагалдах пуужинг нь авч амжаагүй юм. Хэрэв онгоцнуудыг бүр эрт авсан бол пуужинг нь авч амжих байсан юм” гэжээ.
Армен нь Азербайжантай хийсэн цөөн хоногийн тулааны явцад хорь гаруй жилийн турш мэдэлдээ байлгасан Уулын Карабахын ихэнх хэсгийг алдсан. Ингэж их хэмжээний газар нутаг, олон зуун цэргээ алдсаны бурууг олон нийт нь Ерөнхий сайд Никол Пашиняны Засгийн газарт тохож, огцрохыг шаардаад байгаа юм. Гэвч Пашинян нь огцрохоос татгалзаж, дайны өмнө Оросоос худалдан авсан онгоц, пуужин, танк зэрэг нь орчин үеийн байлдааны шаардлага хангахгүй байсан учраас ялагдсан гэдэг тайлбар хйиж байгаа юм.
0°C
Сэтгэгдэл (389)