Шинээр 210 хүнээс коронавирус илэрлээ

Өнгөрсөн 24 цагт улсын хэмжээнд 16 лабораторид 1049 шинжилгээ хийж, 210 шинэ тохиолдол бүртгэгдлээ. Улмаар дотоодын халдварын тоо 5186 болсон байна.  210 тохиолдлын 206 нь Улаанбаатарт, гурав нь Хөвсгөл аймагт бүртгэгджээ.  Нэг тохиолдол зөөвөрлөгдсөн байна. 

Шинээр халдвар авсан хүмүүсийн 185 нь ойрын хавьтал байсан бол 25 хүний халдварын эх уурхайг тодруулахаар ажиллаж байна. Энэ хугацаанд 129 хүн эдгэрч эмнэлгээс гарсан бөгөөд эдгэсэн нийт хүний тоо 3606 болжээ.