Өнөөдөр өдөр 16:00 цагийн орчим Өвөрхангай аймгийн ЭМГ-аас аймгийн ЭМГ-т мэдээлэл өгсөний дагуу Өвөрхангай аймгийн Сэмжит сувилалд амраад ирсэн 17 иргэнээс өнөөдөр/2021.03.22/ коронавирус илрүүлэх PCR шинжилгээ авснаас эхний 3 иргэний шинжилгээ эерэг гарлаа.
Батлагдсан 3 тохиолдлын 2 нь Шарын гол сумын, нэг нь Дархан сумын иргэн байна. Эдгээр иргэд энэ сарын 21-22 нд шилжих шөнө Дарханд иржээ.
Халдвартай иргэдийг Нэгдсэн эмнэлгийн Халдвартын тасагт тусгаарлан эмчлэх ажлыг өнөө шөнөдөө багтаан эхлүүлнэ. Халдвар авсан иргэдийн ойрын хавьтлуудыг гэрт нь тусгаарлан нарийвчилсан шинжилгээ хийх ажлыг шуурхай зохион байгуулан ажиллаж байна.
Нөхцөл байдалтай холбоотойгоор Шарын гол сумыг Гамшгаас хамгаалах Өндөржүүлсэн бэлэн байдлын шар түвшинд шилжүүлэн, тус сум руу орох болон гарах хөдөлгөөнийг түр хугацаагаар бүрэн хязгаарлахаар шийдвэрлэлээ.
Аймгийн Онцгой комиссын шуурхай хуралдаан өнөөдөр /2021.03.22/ орой 20:30 цагт болж үүссэн нөхцөл байдалд яаралтай хариу арга хэмжээ авч ажиллах үүрэг чиглэлийг холбогдох албаныханд өгөөд байна.
Сэтгэгдэл (0)
Сэтгэгдэл бичигдээгүй байна