Булган аймгийн Могод сумын уугуул, Монгол улсын Өсөх идэр начин Э.Энхбатын бусдад зодуулсан зургийг түүний эхнэр Б.Нандинцэцэг өөрийн цахим хуудсандаа мэдээлжээ. Э.Энхбатыг багийн найз болох МҮОХ-ны Ерөнхийлөгч Н.Түвшинбаяр зодсон талаар бичжээ. Энэ талаар бид Цагдаагийн ерөнхий газраас тодрууллаа.
Цагдаагийн байгууллагаас өгч байгаа мэдээллээр Хан-Уул дүүргийн нэгдүгээр хороо "120 долоон монгол корпараци"-д хоорондоо зодолдоод байна гэх дуудлагын дагуу цагдаагийн албан хаагч очиж ажилласан. Хохирогч Э.Энхбатыг 103 эмчид хүлээлгэн өгч, шалгалтын ажиллагаа явуулсан. Э.Энхбат нь яг одоо ГССҮТ -д хүргэгдэж шинжилгээ өгч байна гэх мэдээллийг хуулийн байгууллагаас өгөв. Хэрэгт МҮОХ-ны Ерөнхийлөгчийг оролцсон гэх асуудал яригдаж байгаа бөгөөд ХУД-ийн Цагдаагийн нэгдүгээр хэлтэс уг хэргийг шалгаж эхэллээ.
0°C
Сэтгэгдэл (123)