Л.Баттөр: Сонгуулийн үеэр тооцоолоогүй эрсдэл үүсч иргэд бөөгнөрсөн байхыг үгүйсгэхгүй

ХӨСҮТ-ийн захирал Л.Баттөр: Вакцинд хамрагдсан ч халдвар авсан хүнд олон нийт анхаарлаа хандуулж вакциныг үр дүнгүй юм байна гэх шүүмжлэл гарч ирж байна. Вакцины үр нөлөө нь хүндрэл, нас баралтаас сэргийлж байгаа нь тодорхой харагдаж байна. Манай улсад хийгдэж буй Синофарм болон Спутник, Файзер, Астразенека вакцин бүгд үр дүнтэй. Нас барсан иргэд; вакциндаа хамрагдаагүй байна. Өвчний түүхийг нь харахаар хавсарсан суурь, чихрийн шижин гэх мэт өвчлөлүүдтэй байгаа юм. Вакцин бол хүндрэл, нас баралтаас сэргийлнэ. Нийт иргэдийн 1,3 сая иргэн вакциндаа хамрагдсан байна. Гэхдээ вакциныг сайн дурын үндсэн дээр хийгдэж байгаа гэдгийг ойлгох хэрэгтэй. Жирэмсэн болон 16,17 настай хүүхдүүддээ вакцин хийлгэхдээ сайн бодож байж, зөв шийдвэр гаргаасай. Бүрэн тундаа хамрагдсан иргэдийн дунд тодорхой хэмжээгээр халдвар авсан хүмүүс бий. Гэхдээ эерэг мэдээ өгөхөөр хүмүүс тайвшраад маск зүүхгүй халдвар хамгааллын дэглэмээ барихаа больчихдог. халдвар нэмэгдээд байгаад иргэд гайхаж байна. Энэ сарын 15-наас халдвар буурна гэж эрдэмтэд гаргасан. Гэхдээ тооцоолоогүй олон хүчин зүйл нөлөөлсөн гэдгийг ойлгох хэрэгтэй. Иргэд халдварын тохиолдлыг сонгуультай холбоод улстөржүүлээд байна. Тохиолдлын тоо нэмэгдэж байгаа нь аймаг орон нутаг руу хөл хөдөлгөөн нээгдсэнтэй холбоотой. Сонгуулийн үеэр аль болох дэглэмээ барьсан ч  тооцоолоогүй эрсдэл үүсч иргэд бөөгнөрсөн байхыг үгүйсгэхгүй. Мөн шагнал урамшуулал авч иргэд маш ихээрээ бөөгнөрч байна.