Төв талбайн усан оргилуурыг өдөрт гурван удаа ажиллуулна

Сүхбаатарын талбайн урд хэсэгт байрлах Хонхтой цэцэрлэгт хүрээлэнгийн усан оргилуур өчигдрөөс эхлэн цагийн хуваарийн дагуу хэвийн ажиллаж эхэлжээ. 

Тодруулбал, ажлын өдрүүдэд 12:00-13.30, 16:00-18:00, 20:00-23:00 цагуудад ажиллуулах аж. Харин амралтын өдрүүдэд ээлжилж ажиллуулах аж. Өөрөөр хэлбэл, нэг долоо хоногт нь бямба гарагт, дараа нь нямд гэх мэтчилэн ажиллах талаар Нийслэлийн захирагчийн албанаас мэдээллээ. 

Хот тохижилтын газар ОНӨААТҮГ-ын дарга Б.Мөнхцэцэг "Сүхбаатарын талбайн урд хэсэгт байрлах Хонхтой цэцэрлэгт хүрээлэнгийн усан оргилуурыг 3.7 тэрбум төгрөгөөр засварлана гэдэг нь ташаа мэдээлэл. Мөн ус зөөж санг дүүргэдэг нь ч ташаа мэдээлэл, тэдгээр усны машинууд нь ногоон байгууламжийг усалдаг бол усан оргилуурын усан хангамжийг төвийн шугамд холбож ажиллуулдаг" гэлээ.