2021/08/06
USD 2,811

"Гадаадаас ирэх иргэдээс нисэх буудалд болон гэрийн ажиглалтад байх хугацаанд нь шинжилгээ авна"


Гадаад улс орноос ирж байгаа иргэдийг вакцины бүрэн тунд хамрагдсан, өвчилсөн эсэхээс үл хамааран 14 хоног тусгаарлах саналыг Засгийн газрын хуралдаанаар хэлэлцэн шийдвэрлэхээр болсон гэх мэдээлэл гарсан. Тэгвэл энэ талаар Улсын онцгой комиссын нарийн бичгийн дарга Т.Баярхүүгээс тодрууллаа.

-Гадаад улс орноос ирж байгаа иргэдийг тусгаарлах журамд өөрчлөлт оруулах эсэх талаар дэлгэрэнгүй мэдээллийг өгнө үү?

-Дэлхийн 111 улсад коронавирусын “дельта” хувилбар идэвхтэй тархаж байна. Энэ хувилбар нь өмнөх хувилбаруудаас 60 хувиар илүү хурдан халдварладаг, амархан хүндэрдэг, вакцины нөлөөг 20-30 хувь бууруулдаг зэрэг хоруу шинж чанартай нь нотлогдсон. Тиймээс тархалтын хурдыг сааруулах, эмнэлгийн ачааллыг бууруулах зорилгоор олон улс оронд тодорхой хязгаарлалт, хорио цээрийн дэглэмийг тогтоож байна.

Тухайлбал, Япон улс олимпийн наадмыг үзэгчгүй зохион байгуулах шийдвэр гаргасан бол “Евро-2020” хөлбөмбөгийн тэмцээний зарим тоглолтын үзэгчдийн билетийг цуцаллаа. Зарим улс орон хөл хорионы хатуу дэглэмд шилжиж, гадаадаас зорчигч хүлээн авахаа хүртэл хязгаарласан гэх мэтээр дэлхий нийтээр тодорхойгүй нөхцөл байдал дунд гэнэтийн шийдвэр гаргаж байна. Тиймээс Эрүүл мэндийн яамнаас болзошгүй эрсдэлээс урьдчилсан сэргийлэх зорилгоор гаднаас ирж буй хүмүүсийг вакцин хийлгэсэн эсэхээс үл хамаарч 10 хоног тусгаарлах, эсвэл нисэх буудалд болон гэрийн ажиглалтад байх үед нь давтан шинжилгээ авах зэргээр хил, гаалийн хяналтыг сайжруулах саналыг гаргасан.

Тус саналыг холбогдох албаныхан хэлэлцээд хилийн чанадаас ирж байгаа иргэдэд тавигдах шаардлагыг хэвээр үлдээсэн. Харин вакцины бүрэн тунд хамрагдсан, өвдөөд эдгэрсэн хүмүүсийг нисэх буудалд болон гэрийн ажиглалтад байх хугацаанд нь шинжилгээнд хамруулж, гэрийн ажиглалтад байгаа иргэдэд тавих хяналтыг сайжруулах шийдвэрийг гаргасан.

-Тэгэхээр гадаадаас ирж буй иргэд вакцины бүрэн тунд хамрагдаад 14-өөс дээш хоног болсон, эсхүл өвдөөд эдгэсэн нотлох баримттай бол гэрийн ажиглалтад 14 хоног байх, бусад тохиолдолд тусгаарлах байранд 7 хоног, гэрийн ажиглалтад 7 хоног байх өмнөх журам хэвээр мөрдөгдөнө гэсэн үг үү? 

-Тийм. Өмнөх журам хэвээр мөрдөгдөнө. Тэгэхдээ вакцины бүрэн тунд хамрагдсан, өвдөөд эдгэрсэн хүмүүсийг нисэх буудалд болон гэрийн ажиглалтад байх хугацаанд давтан шинжилгээнд хамруулахаар болсон гэдгийг дахин хэлье. Хөндлөнгөөс аливаа шийдвэрийг шүүмжлэх маш амархан. Тодорхой хэмжээний хөл хорио, хязгаарлалтын дэглэм тогтоож, халдварын тархалтыг бууруулж байж эмнэлгийн ачааллыг зохих түвшинд барьж тусламж үйлчилгээний хүртээмж нэмэгдэнэ гэдгийг зөвөөр ойлгох хэрэгтэй.

-Мөн энэ сарын 17-ны өдрөөс 7 хоногийн хугацаатай хөл хорио тогтоох нь гэсэн мэдээлэл олон нийтийн сүлжээгээр тархаад байна? 

-Бүх нийтийн хөл хорио тавих асуудал яригдаагүй. Харин маргаашнаас буюу долдугаар сарын 17-ны 06:00 цагаас эхлэн долоо хоногийн хугацаатай Гашуунсухайт боомтын Цагаан хад суурьшлын бүсэд хатуу хөл хорио тогтоох талаар Засгийн газрын хуралдаанд мэдээлэл хийсэн. Энэ хугацаанд ариутгал, халдваргүйтгэл хийж, жолооч нарыг шинжилгээнд хамруулан ногоон бүс болгох зорилтыг тавьж байгаа юм.


Сэтгэгдэл (12)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.111
Гаднаас ирэх яах вэ? цаана чинь хөдөөнийхөн халдвар ихсээд үхэх сэхэхийн ирмэгт өчнөөн хүмүүс байгаад байна. Улаанбаатарынхан халдвараа хаа сайгүй тараачихлаа. Одоо бах тав чинь ханаж байна уу лалруудаа. Та нарын аялал зугаалга энд тэндгүй жорлон болгож хогоо овоолж хаяхыг хэлээд байгаа бол дахиж хэзээ ч битгий аял. Новшын хотдоо жихэлдээд байж байвал таарсан юмнууд
Хариулах
202.126.89.247
Hudalaa koronoogoor dalimduulj mungu idhees uur uym alga haana ter tusgaarllad bgaa uym gadnaas irsen humuus gaduur yavj bna er ni tusgaarlah yamar hereg bna delhii niit neg bodlog sanaatai bna mongol dandaa buruu uym hiine
Хариулах
69.138.231.52
Хэрэв ингэж шийдсэн бол зөв шийдвэрибайна. Ирэнгүүт нь бүгдийг хорино, тусгаарлана гэдэг бол утгагүй шийдвэр басан. Бүрэн тунпаа хамрагдсан л бол гэрийн ажиглалтанд байлгаад давхар шинжилгээ авах нь зөв
Хариулах
66.181.161.49
Medeej bolohgui, naad hedn maluud chn hun boddg hun bishe, gashun unen ene
Хариулах
69.138.231.52
Үхэж далд ор
Хариулах
202.126.88.150
Kkkk nogoo buudluud n bayarlah bsan bh da hoorhii 14hon9g geheer odoo naad huuchin bodloo hay gertee bwal aylggvi buudald ersdel ihtei snv de
Хариулах
133.6.144.234
Сайн байна уу? Судалгаа нь гацсан гадаадад байгаа оюутанд богино хугацаагаар монголд очоод буцах боломжын талаар тодруулж өгнө үү. Хээрийн ажлаар богино хугацаагаар очоод буцаж ирэх хүсэлтэй байна. Тодруулбал 9-н сарын 1ээс 30 хүртэл. Хээрийн ажлаар очих тул майхан бариад хоноглоод явна. Марширут болоод өдөр цагийг нарийн тооцсон тул олон хүнтэй контакт болохгүй. Майхан болон машиндаа байрлаж байгаад тусгаарлалтын хугацааг дуусгаж болох уу? 9-н сарын 1ны бүрэн тундаа хамрагдаад 20 хонох болно...
Хариулах
202.126.89.243
Нэг еедтэй мэдээ угуй! Арчаагуй, сул дорой, мэдлэг чадваргуй этгээдууд тереер тоглож бндаа. Иргэд еревдмеер!
Хариулах
83.162.176.20
Covid vaccine gui xumuusiin taxal bolood bna
Хариулах
202.126.89.31
Ta nar zailtsgaa
Хариулах
66.181.161.119
Короногоор далимдуулж мөнгө битгий угаа буудлуудтай хувилдаж мөнгө идэх санаа чинь хуучирсан дотроо ямарч хяналтгүй алдчихаад хий сүржигнэх юм новшнууд
Хариулах
202.9.47.13
Хөөрхий манай эмч нар бол бүгдээрээ хамгийн түрүүнд вакцин хийлгэчихсэн. Гэтэл барууны эмч нар нь хүртэл вакцин хийлгэхээс татгалзаад байгаа нь манайханд нэг юм бодогдуулахгүй байна уу
Хариулах