2021/08/06
USD 2,811

​Коронавирусийн халдвар авсан дараах тамирчид олимпоос хасагдлаа


Чилийн таеквондоч Ф.Агирре коронавирусийн халдвар авсны улмаас энэ удаагийн "Токио-2020" олимпод оролцож чадалгүй хасагдсан анхны тамирчин болсон. Харамсалтай нь, түүнтэй нэгэн адил шалтгаанаар олимпыг орхих тамирчдын тоо нэмэгдсээр байна. Тодруулбал, 

-Оросын усанд сэлэгч, 400 метрийн хувийн төрөлд энэ жил Европын аварга болсон Илья Бородины Токиог зорихоос өмнөх шинжилгээний хариу эерэг гарсан тул нутагтаа үлдэж, олимпыг өнжихөөр болов. Оросын усанд сэлэлтийн холбооны тэргүүн дэд ерөнхийлөгч Виктор Авдиенко түүнийг усанд сэлэгчдээс шинжилгээ нь эерэг гарсан цорын ганц тамирчин гэсэн байна. Уг нь тэрбээр Токиод медаль горилж очих тамирчдын нэг байв.

-Түүнчлэн Их Британийн таваг буудлагын тамирчин, өдгөө дэлхийн чансааг тэргүүлж буй Амбер Хилл коронавирусийн халдвартай нь батлагдсан тул Токиог зорихоосоо өмнө тусгаарлагдаж, олимпыг өнжихөөр болов. “Өчигдөр шинжилгээний хариу эерэг гарсны дараа би олимпын наадамд оролцож чадахааргүй боллоо. Надад ямар нэг шинж тэмдэг илрээгүй, биеийн байдал сайн байгаа ч дүрэм журмын дагуу 10 хоног тусгаарлагдах ёстой болж байна. Одоо бүх зүйлийг дахин эхлэхийн тулд хэсэг хугацаанд завсарлага авахаас аргагүй боллоо” хэмээн 23 настай мэргэн бууч бүсгүй инстаграмдаа бичжээ.

Европын наадмын аварга тэрбээр Токиод гарцаагүй медалийн төлөө өрсөлдөхөөр байсан ч ийнхүү Парисын олимпыг хүлээхээс аргагүй болов.

Тэднээс гадна Недерландын скейтбордчин Кэнди Жейкобс, Чехийн ширээний теннисчин Павел Ширучек, Америкийн волейболчин Тейлор Крабб нар коронавирусийн халдвар авсан нь батлагдсан тул олимпын наадамдаа оролцож чадалгүй нутаг буцахаар боллоо. Ингэснээр долдугаар сарын 1-нээс хойш олимпын наадамд оролцогчдоос илэрсэн халдварын тоо 91-д хүрээд байна.

Эх сурвалж: МҮОХ


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
89.176.177.136
manai hed gaigui l baigaa ym baihdaa chaavaas
Хариулах
103.80.210.183
хэ нээрээ олимп зохиох хэрэг байгаа юм уу. өрсөлдөгчөө хасаад хасаад явчих юм байна даа.
Хариулах
103.10.23.168
Хөөрхийдөө хайран хөлс хүч, ямар харамсалтай юм бэ манай хэдхэн тамирчдаас ядаж холуур байх болтугай
Хариулах
193.176.84.241
COVID-19 вирусаас илүү муу зүйл бол улс төрчид, эрүүл мэндийн мэргэжилтнүүд, хэвлэлүүдийн эцэс төгсгөлгүй айлгах кампанит ажил юм гэж Sky News сувгийн хөтлөгч Роуан Дин хэлэв.
Хариулах