Дөрвөн иргэнийг хайхаар 22 хүний бүрэлдэхүүнтэй МИ-171 онгоц хөөрлөө

Н.Мижидмаа
2021/07/22

Сэлэнгэ аймгийн Ерөө сумын Бугант тосгон Эрээн гол гэдэг газарт самарт явсан 33-58 насны гурван эмэгтэй, нэг эрэгтэй алга болоод 20 хонож байна.

Сураггүй алга болсон иргэдийн ар гэр Зариг.мн сайтад хандаж, иргэдийн хүсэлтийн дагуу мэдээллийг шууд дамжуулалтаар хүргэсэн байдаг. Тухайн газар нь шигүү ойтой тул мориор болон явган явахад маш хүндрэлтэй талаар тус газар луу самарт явдаг иргэд хэлсэн. Иймд хүндхэн нөхцөлтэй тухайн газарт хайлт хийхдээ нисдэг тэргээр хайвал илүү үр дүнтэй учир ар гэрийнхэн нь таван удаа хувийн онгоц 50 гаруй сая төгрөгөөр түрээслэж нисгээд олоогүй. Тиймээс ОБЕГ-т нисдэг тэргээр туслах хүсэлт өгөхөд авч хэлэлцдэггүй талаар ярьсан байдаг. Зариг.мн сайтаар мэдээлэл цацагдсны маргааш бид ЦЕГ-аас асуудлыг тодруулахад ОБЕГ-тай хамтран энэ сарын 17-ноос хойш  мориор болон явганаар 300 км газарт хайлт хийсэн ч үр дүнд хүрээгүй талаар мэдээлсэн.

Ар гэрийнхэн нь ОБЕГ-аас нисдэг тэргээр тусламж үзүүлэх хүсэлт тавихад “нисдэг тэрэг нэг цагийн 4,5 сая төгрөг" байдаг. Нисдэг тэрэг дөрвөн цаг хөлслөхөд ойролцоогоор 20 гаруй сая төгрөг шаардлагатай учир сайхан сэтгэлт иргэдээсээ ар гэрийнхэн нь тусламж хүссэн. Тэгвэл зариг.мн сайтаар  /2021.07.20/-ны оройн 21:20 минутад цацагдсан шууд дамжуулалтаас өнөөдрийн /2021.07.22/-ны 11 цаг хүртэл сайхан сэтгэлт иргэдийн дэмээр 21 сая төгрөг цугларч, онгоц хөөргөх үнэ бүрдсэн. Улмаар хандивын аянг зогсоогоод байгаа юм.

Дөнгөж сая  сураггүй болсон дөрвөн иргэнийг хайхаар Сэлэнгэ аймгийн Ерөө сумын Бугант тосгоны Эрээнгол руу 22 хүний бүрэлдэхүүнтэй МИ-171 онгоц хөөрлөө.
Онцгой байдлын ерөнхий газарт Цагдаагийн ерөнхий газраас Сэлэнгэ аймгийн Ерөө сумын нутагт самарт явж байгаад сураггүй болсон дөрвөн иргэнийг эрэн сурвалжлах ажиллагаанд хамтран ажиллах хүсэлт ирүүлжээ. Тус хүсэлтийн дагуу Онцгой байдлын ерөнхий газраас Зэвсэгт хүчний жанжин штабт хүсэлт гарган Зэвсэгт хүчний 303-р ангийн нисдэг тэргийг хөөргөхөөр болж, эрлийн нэмэлт бүлгийг томилсон байна. Цаг агаарын нөхцөл байдлаас болон түр саатаад байсан Зэвсэгт хүчний 303 дугаар ангийн МИ-171Е нисдэг тэрэг экипажийн бүрэлдэхүүн, ОБЕГ-ын харьяа Үндэсний аврах бригадын эрэн хайх бүлэг, Цагдаагийн алба хаагч, ар гэрийнхэн, нийт 22 хүний бүрэлдэхүүнтэйгээр өнөөдөр 15:30 цагт Сэлэнгэ аймгийн Ерөө сумын чиглэлд хөөрлөө.

0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 2 цагийн өмнө
Ирэх сард ихэнх нутгаар хүйтэн байна 3 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 4 цагийн өмнө
Зам засварын ажил ирэх сарын 10-наас эхэлнэ 5 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 5 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 7 цагийн өмнө
Сурагчид өнөөдөр хичээллээд амарна 7 цагийн өмнө
Танилц: Өнөөдөр цахилгаан хязгаарлах байршлууд 7 цагийн өмнө
Ойрын хоёр хоногтоо салхитай хүйтэн байна 7 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 22 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр