“Токио 2020” олимпын наадмын жүдо бөхийн төрлийн эмэгтэйчүүдийн 48 кг-ийн жингийн медалийн төлөөх барилдаан болж байна. Хөдөлмөрийн баатар М.Уранцэцэг хүрэл медалийн төлөө Португалийн жүдоч Катирина Коштатай барилдаж ялалт байгууллаа.
Ялалтынхаа дараа тэрбээр сэтгэлдлээ хуваалцжээ. Тэрбээр "Маш их баяртай байна. Намайг медаль авахад баг хамт олон минь маш их тусалсан. Бэлтгэл хангагч портнёр, багш нар маань маш тусалсан. Би гуравдахь олимптоо ороод анхны медалиа авч байна. Маш их баяртай байна.
Аав ээждээ болон хайртай ах дүү хамаатан садан найз нөхөд, Хүч спорт хороо бүх хүмүүст их баярлалаа гэж хэлмээр байна. Энэ медалийг авахын төлөө 16 жил хичээллэсэн. Өнөөдөр авч байгаадаа маш их баяртай" гэлээ.
Сэтгэгдэл (0)
Сэтгэгдэл бичигдээгүй байна