Аргентин улсын жүдо бөхийн олимпын анхны медалийн эзэн алдар, цуутай Пауло Парето зодог тайллаа.
Токиогийн олимпын наадам түүний 4 дэх олимп байсан бөгөөд бүгдэд нь шилдэг 8-д шалгарч байсан шилдэг жүдочин юм. Бээжинд хүрэл, Лондонд 5-р байр, Риод алтан медаль хүртсэн бол Токиод 7-р байранд шалгарлаа. Мөн ДАШТ-ээс алт, мөнгө, хүрэл медаль хүртэж байсан.
Өдгөө 35 настай П.Парето жүдо бөх барилдахаас гадна 2014 онд Буэнос-Айресын Их сургуулийг эмч мэргэжлээр төгссөн бөгөөд мэс заслын эмч хийж, оройн цагаар бэлтгэлээ базаадаг байжээ. Токиод ирэхдээ ажлаасаа 6 хоногийн чөлөө аваад ирсэн гэдэг. Тэртээ 2005 онд Пан-Америкийн АШТ-нд мөнгөн медаль хүртэж спортын замналаа эхлүүлж байсан П.Парето 16 жилийн тамирчны замналаа өндөрлүүлж нэгэн сэтгэлээр мэс заслын эмчийн ажилдаа шамдах болж байна.
Сэтгэгдэл (0)
Сэтгэгдэл бичигдээгүй байна