Монголын 3х3 сагсан бөмбөгийн шигшээ баг Румын улсын шигшээ багт ялагдлаа

Олимпын наадамд өрсөлдөж буй 3х3 сагсан бөмбөгийн эмэгтэй шигшээ баг өнөөдөр 5 дахь тоглолтоо Румын улсын шигшээ багтай хийлээ. Хоёр баг эхний 4 тоглолтын дараах байдлаар хараахан ялалт авч чадаагүй байсан бөгөөд хэн хожсон нь эхний ялалтаа авах чухал тоглолт байсан.

Тоглолт 22-14 харьцаатай Румын улсын бүсгүйчүүдийн ялалтаар өндөрлөв. Манай шигшээ багаас М.Цэрэнлхам 6 оноо авсан бол Б.Солонго, Э.Чимэддолгор нар тус бүр 3 оноо, О.Хулан 2 оноо авсан байна. Алсын зайнаас буюу 2 онооны шидэлтийг М.Цэрэнлхам 5 шидэлтээс 2-г, Э.Чимэддолгор 6 шидэлтээс 1-г нь оновчтой болгосон.