Олимпын наадмын ширээний теннисний ганцаарчилсан төрлийн медалийн эзэд тодорлоо. Эмэгтэй ганцаарчилсан төрөлд дэлхийн чансааг тэргүүлэгч Чен Мэн түрүүлж олимпын аварга боллоо. Тэрээр финалын тоглолтоо нутаг нэгт Сун Иншатай тоглож 4-2 харьцаатай ялалт байгуулсан.
Ширээний теннис 1988-Сөүлийн олимпоос орж эхэлсэн бөгөөд эмэгтэй ганцаарчилсан төрөлд Хятадын теннисчид завсаргүй түрүүлж байна.
Харин эрэгтэй ганцаарчилсан төрөлд Ма Лон түрүүлснээр олимпын наадмын эрэгтэй ганцаарчилсан төрөлд аваргаа хамгаалсан анхны теннисчин боллоо. Аваргын төлөө нутаг нэг Фан Жэндонтой тоглож ялалт байгуулсан. Рио-2016 олимпын наадамд ганцаарчилсан болон багийн төрөлд түрүүлж байсан. Одоо энэ амжилтаа давтахын төлөө багийн төрөлд өрсөлдөнө.
Сэтгэгдэл (0)
Сэтгэгдэл бичигдээгүй байна