Алдарт теннисчин Н.Жокович олимпын медальгүй үлдлээ

Олимпын наадмын талбайн теннисний эрэгтэй ганцаарчилсан төрлийн медалийн төлөөх тоглолт болж байна. 

Токиогийн олимпын наадамд түрүүлэх хамгийн өндөр магадлалтай байсан Сербийн алдарт теннисчин, Их дуулга тэмцээний 20 цомын эзэн Новак Жокович медальгүй үлдлээ. 
Хагас шигшээд Германы Александр Зверэвт хожигдож хүрэл медалийн төлөө тоглохоор болсон. Тэгвэл дөнгөж сая хүрэл медалийн төлөө Испанийн Пабло Каррено Бустатай тоглож 1-2 (4-6, 6-7, 3-6) харьцаатай хожигдов. Новак Жокович Бээжингийн олимпын наадмаас хүрэл медаль хүртэж байсан бол Лондон-2012, Рио-2016, Токио-2020 олимпын наадмаас медальгүй үлдэж байна. 
Талбайн теннисний эрэгтэй аваргын төлөө Оросын К.Хачанов болон Германы А.Зверэв нар шалгараад байна.