Токио-2020 зуны олимпын XXXII наадамд Монгол улсын жүдо багийн тамирчид 1 мөнгө, 2 хүрэл медаль хүртсэн. Энэ нь жүдогийн олимпын наадмаас хүртсэн 11 дэх медаль болж байгаа ба жүдочид Афин-2004 олимпын наадмаас хойш дараалан медалийн буухиаг үргэлжлүүлж байна.
Афин-2004 Х.Цагаанбаатар хүрэл, Бээжин-2008 Н.Түвшинбаяр алт, Лондон-2012 Н.Түвшинбаяр мөнгө, С.Ням-Очир хүрэл, Рио-2016 Д.Сумъяа мөнгө, Токио-2020 Саейд Моллаей мөнгө, М.Уранцэцэг хүрэл, Ц.Цогтбаатар хүрэл медаль хүртээд байна.
Монголын жүдочдоос 1972 оны Мюнхэний олимпоос Б.Буядаа гуай анх мөнгөн медаль хүртсэн боловч сэргээш илэрсэн гэж үзээд амжилтыг нь хүчингүй болгосон. Түүнээс хойш 1980 оны Москвагийн олимпын наадамд Ц.Дамдин мөнгө, Р.Даваадалай хүрэл, 1996 оны Атлантагийн “алтан” олимпоос Д.Нармандах хүрэл медаль хүртсэн байдаг.
Сэтгэгдэл (0)
Сэтгэгдэл бичигдээгүй байна