2021/11/27
USD 2,811

​ Британийн махны боловсруулах салбарт 10 мянган ажиллах хүч дутагдаж байна

О.Шүрэнцэцэг
2021/11/04

Британийн мах боловсруулах салбарт ажлын хүчний асар их хомсдол үүсээд байгаа талаар “Британийн мах үйлдвэрлэгчдийн ассоциаци” BMPA мэдээлсэн байна. Үүнээс болоод жишээлбэл, нядалгаанд оруулсан гахайгаа эвдэж дийлэхээ байгаад, Европын холбоо руу гаргадаг болсон тухай тус холбооноос мэдээлжээ.

 Тодруулбал, цар тахлын хөл хорио, Brexit-ийн улмаас ажиллах хүч Европын холбоо руу буцаж гарсан зэрэг зүйлсийн нөлөөгөөр Их Британид ажиллах хүчний ихээхэн хомсдол үүсээд байна. Жишээлэхэд, Их Британид мах боловсруулах салбарт ажиллах 10 ажиллах хүчний хомсдол үүсээд байгаа тухай “BMPA” мэдээлжээ. Гэтэл энэ салбарт нэг ажилчин дадлагажуулан бэлдээд ажилд авахад 18 сар шаардлагатай байдаг аж. Иймд 10 мянган мэргэжилтэй боловсон хүч бэлдэх хүртэл маш их хугацаа шаардагдах болоод байгаа юм байна. Ажлын хүчний ийм их хомсдол тулгарсан  Их Британийн мах үйлдвэрлэх салбарынхан нядалсан гахай, малын махыг жижиглэн худалдаанд оруулахын өмнө эхлээд Европын холбоо руу экспортолж, тэндээ махыг эвдэж, жижиглэн ангилаад буцаан импортолж оруулж ирдэг болжээ.

 Мах үйлдвэрлэх, боловсруулах салбарт ажлын хомсдол үүссэнээс болоод ферм дээрх гахайн малын тоо толгой огцом нэмэгдээд, зарим фермийн ачаалал дээд цэгтээ тулсан тухай Британийн “Үндэсний гахай тэжээгчдийн ассоциаци”-аас мэдэгдэл гаргасан байна. 

 Мөн Их Британийн худалдааны салбарынхан Засгийн газартаа хандаж ажлын хүчний хомсдолоос үүдэлтэй бараа бүтээгдэхүүний нийлүүлэлтийн асуудлыг шийдэх улс түвшний чуулга уулзалт зохион байгуулахыг санал болгоод байгаа юм байна. Их Британийн худалдааны танхимын арилжааны бодлого хариуцсан салбарын тэргүүн Уильям Бейн энэ талаар тайлбар өгөхдөө асуудал маш ноцтой болсон, худалдан авалт огцом өсдөг Зул сарын баяр дөхөх тусам ажлын хүчний хомсдолоос үүдэлтэй асуудал улам бүр хурцдах болно гэжээ.

 Үүний өмнөхөн Их Британийн худалдааны хамгийн том холбоод Засгийн газардаа хандан ажиллах хүчийг татах тусгай 12  сарын виз бий болгох хүсэлт гаргасан. Гэвч Их Британийн Засгийн газар, Дотоод хэргийн яам нь Европын холбооны ажилчдад ийм виз гаргах бодолгүй байгаагаа ойлгуулжээ. Гэхдээ салбарт тулгараад байгаа асуудлыг бага ч болов  хөнгөлөхийн тулд махны үйлдвэрт ажиллах 800 түр виз, шувуу боловсруулах үйлдвэрт ажиллах 5,5 мянган түр виз гаргаж өгсөн байна.

 


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.88.151
НАМ ДАГААГҮЙ ОЛОНХИЙН ХОХЬ Л БОЛЖ ДУУСЧ БАЙНА
Хариулах
202.9.46.248
яаж очиж ажиллах вэээээ зүгээрл гарч амьдархааас монголд наминам дагасан эр эм гичиинүүдл баян амьдардаг болооод үнэн юм алгадааа бөөн авилгал хээл хахууль хүнд суртал малуудааа
Хариулах