Туркын Истанбул чиглэлээс 2021 оны 11 дүгээр сарын 04-ны өдрийн нислэгээр ирсэн зорчигч У, Ц, А, Б нар нь биедээ 6,2 кг алт, монетон эдлэлийг нууж улсын хилээр татвараас зайлсхийж нэвтрүүлэхийг завдсан зөрчлийг гаалийнхан илрүүлэн шалгаж байна. Эдгээр иргэд нь гаалийн хяналтын бүсээр нэвтрэхдээ үнэт эдлэлийг шалгалтаас нуун гарахыг завдах үед нь саатуулан гаалийн байгууллагаас зөрчлийн хэрэг нээн шалгаж байна.
2021 оны 08 дугаар сарын 01-ний өдрөөс хойш Чингис Хаан олон улсын нисэх буудлаар БНСУ, БНТУ-аас нийт 30 гаруй кг алт, монетон эдлэлийг нисэх буудлын эд хогшилд нуух, ачаа тээш болон биедээ нуун далдлах зэргээр хууль бусаар нэвтрүүлэхийг завдсан үйлдлийг гаалийн байгууллага илрүүлэн шалгаж холбогдох хуулийн дагуу арга хэмжээ авчээ.
Сэтгэгдэл (0)
Сэтгэгдэл бичигдээгүй байна