Олон жил Орхон сумын Энхтал, Бүрэнтолгойн 150 гаруй өрхийн өмнө тулгамдаад байсан асуудал бол нүхэн гарц юм. Тус нүхэн гарцыг хийх саналыг УИХ-ын гишүүн, Сангийн сайд Болдын Жавхланд санал тавьж энэ өдөр орон нутаг болон УБТЗ, Сангийн яамны дэмжлэгтэйгээр ийнхүү биелэлээ оллоо.Төмөр замын нүхэн гарц хийх ажил нүдэнд энгийн мэт харагдавч маш нарийн төлөвлөгөө, зохион байгуулалт шаардагддаг гэдгийг төмөр замчид ярьж байна. Олон улсын галт тэрэгний хөдөлгөөнийг олон хоногийн өмнө урьдчилж зогсоох, мэдэгдэл өгөх гээд маш богино хугацаанд шуурхай, чанартай ажиллахыг шаарддаг.Нүхэн гарц хийх ажилд 50 орчим хүн хүч, 8 техник хэрэгсэл дайчлагдан, 10 цагийн хугацаанд галт тэргийн хөдөлгөөнийг түр зогсоож нарийн төлөвлөгөөний дагуу шуурхай ажиллаж байна.Тэд нүхэн гарцтай болсноор төмөр замын хөндлөн трасс болох 15-20 км-ыг нэвт хөндлөн туулах боломжтой болж байгаа юм.
Тус нүхэн гарцын гол үндсэн ажил хийгдсэн бол энэ сарын 20-ны өдрийг дуустал дагалдах ажлууд хийгдсэнээр нүхэн гарц бүрэн ашиглалтад орно.
-6°C
Сэтгэгдэл (2)