Үндэсний валютын ханш огцом унасанд Засгийн газрыг буруутгав

Туркийн үндэсний валют лирийн ханш огцом унасны дараа Стамбул, Анкара хотын оршин суугчид эсэргүүцлийн жагсаал хийсэн тухай Halk TV мэдээлсэн байна. Жагсагчид Ерөнхийлөгч Режеп Тайип Эрдоганы Засгийн газрыг огцрох, эрх баригч Шударга ёс ба хөгжлийн намыг төрөөс зайлуулахыг шаарджээ. Мягмар гарагт турк лирийн америк доллартой харьцах ханш 12,48 лирээс 13,21 лир болтол унажээ.

 Турк лирийн ханш унахад Ерөнхийлөгч Эрдоганы явуулж байгаа бодлого голлох үүрэг гүйцэтгэж байгаа аж. Эрдоган нь макро эдийн засгийн онолыг үл хэрэгсэн ханшны огцом уналтыг зогсоохын тулд бодлогын хүүг 16-аас 15 болгон бууруулахыг Үндэсний банкандаа даалгасан байна. Эрдоган нь лирийн ханшийг бууруулах замаар эдийн засгийн өсөлтийг хурдасгаж, ажлын шинэ байр бий болгохтой зэрэгцэн инфляцыг удаашруулна гэж мэдэгдээд байгаа юм. Турк лирийн инфляц өнгөрсөн саруудад 20 хувь хүрчээ.