2021/12/08
USD 2,811

Завхан аймаг: Төрөх эмэгтэйчүүдийн эмнэлгийн халаалтыг хэвийн горимд шилжүүллээ

О.Шүрэнцэцэг
2021/11/24

Иргэдээс ирсэн гомдол мэдээллийн дагуу аймгийн Засаг дарга Д.Түвшинжаргал Төрөх эмэгтэйчүүдийн эмнэлэгт ажиллалаа.

Тус эмнэлгийн халаалт долоо хоногийн өмнөөс доголдож эхэлсэн бөгөөд эмнэлгийн зүгээс дулаан үйлдвэрлэгч “Оч дөл өлзийт” ХХК-д албан бичиг хүргүүлж, шаардлага тавьсан боловч нөхцөл байдал өөрчлөгдөөгүй байна. Харин компанийн зүгээс уурын зууханд доголдол гарсан, нүүрсний чанар муу, мөн ажилчдын хариуцлагагүй байдал нөлөөлсөн гэдэг тайлбар хийлээ.

Аймгийн Засаг дарга Төрөх эмэгтэйчүүдийн эмнэлгийг дулаанаар хангаж буй “Оч дөл өлзийт” ХХК-д халаалтыг яаралтай сайжруулах үүрэг даалгавар өгч, галлагаанд аймгийн Нэгдсэн эмнэлэг, Эрчим хүчний зохицуулах зөвлөл, АЗДТГ-аас хамтарсан хяналт тавьж ажиллахаар шийдвэрлэлээ.

Төрөх эмэгтэйчүүдийн тасгийн халаалт өнөөдрөөс хэвийн горимд шилжээд байна.

Мөн зарим төрийн байгууллага, аж ахуйн нэгж, айл өрхүүдийн халаалт муу байгаа тул Улиастай суманд үйл ажиллагаагаа явуулж буй уурын зуухнуудад хяналт шалгалт хийж, халаалтыг сайжруулахыг Эрчим хүчний зөвлөл болон холбогдох албан тушаалтнуудад үүрэг болголоо.


Завхан аймгийн Засаг даргын Тамгын газар


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
122.201.24.64
Хн нүүрсний чанар ямар ч байсан зуух бол хжилладаг шүү.Тэр зуухныхаа ажиллагаа л шалга.Дутуу дулимаг юм ашиглалтанд оруулахаар л ийм юм болж байгаа юм.Ашиглалтанд авахгүй гээд байхад дарга нар нь ав гээд шахаад байдаг юм гэсэн.Тэгээд шалгалтын хүн аргагүй эрхэнд гарын үсэг зурдаг. Эмнэлэгийн дарга, засаг дарга нар нь шалгалтынхныг дарамталж хүлээж авахгүй удаалаа ажлаа хийхгүй хүнд сурталтай байна ажлаас халуулна гэж дарамталсаар хачин юм авдаг.Тэгчихээд эвдэрхээр нь муу юм хийсэн компани, өөрсдийгөө буруутгахгүй зүв зүгээр ажлаа хийж байгаа төрийн албаны хэдэн хяналтынхныг буруутгадаг.
Хариулах
203.98.76.193
1 гишүүн нь жорлон ,нөгөөх нь бурхан яриад нэмэргүй. Засаг дарга л тунаж дэ
Хариулах